Referendum: medré nia zede

Dantenier da seira él sté a La Plie de Fodom y via en Ampez na enconteda per les lites europeiches anter l candidat dla SVP dr. Herbert Dorfmann y l raprejentant dla SVP tla ciamena di deputés a Roma Dr. Karl Zeller con la popolazion y member dla comiscion per afars costituzionai. Da man ciancia: Siro Bigontina, l parlamentar Karl Zeller y l candidat Svp per les lites europeiches Herbert Dorfmann

Les mioures aodanzes per l 2009

Ie volesse ti aodé a duc i amisc y sostegnidours dut l bon, ligreza y fortuna per l 2009. Nos speron che l ann che vegn nes porte inant per arjonje l travert dla reunificazion de nosta patria ladina L referendum da Souramont dl 2007 é sté n gran segn de volonté che al vegne finalmenter fat giustizia do 85 an de tripartizion, al é ora che la dezijion dla jent vegne respeteda y nia desmentieda desche trueps volessa. Nos jiron inant sun nost troi. Dilan a duc canc!

Marco Pizzinini

 Enconteda con raprejentanc europeics

Na delegazion de Ladins dl Südtirol y de Souramont (Fodom, Col y Anpezo) à vijité ai 20 de november 2008 l Grup interfrazional per les mendranzes tradizionales dl Parlament Europeich per ti prejenté y splighé les aspirazions de reunificazion con l Südtirol che i trei comuns ladins dla provinzia de Belun à.

Amisc dla Ladinia vuel laoré inant

I Amisc dla Ladinia Unida se à metù adum ai 16.06.07 a Al Plan de Mareo tla ostaria dal Cone con l travert da sostegnì l referendum da Souramont. L grup se á declaré apartitich y à atira tout su la colaborazion con i comités da Souramont y chirì contac con personalités politiches per ciafé sostegn a les ghiranzes, da trueps desmentiedes, de nosta mendranza.

 L vent freit da Roma

Les declarazions dl minister Renato Brunetta desmostra tant puech che n minister dla Republica Taliana respeteia les mendranzes dal Stat. Cis ai ladins che é vegnus despartis dai fascisc' ti àn fat n gran tort y an se aspetassa da la aministrazion dal stat plu respet y sconanza. Vuel chest govern de man dreta veramenter destudé la mendranza ladina desche enlaouta les ciameijes fosces?

Maroni a Bigontina: "le son da vosta pert"

L Minister ai Interns, Roberto Maroni (Lega Nord), à clermenter dit de ester da la pert di Ladins tla chestion dl referendum da souramont Dant a 2 dis se à abiné na picera delegazion ladina con a cef Siro Bigontina (comité de Anpezo) con l Minister ai Interns, Roberto Maroni. Bigontina à podù rejoné plu de 1 na ora empera. 

Roberto Maroni y Siro Bigontina en gaujion de sia enconteda dant da doi dis. 

„La SVP saluda de cuer l’esistenza y l laour de Zent Ladina Dolomites“

de Paul Videsott

L vescul de Belun proibesc de prié per ladin

Chest él suzedù en domenia passeda sun Col de Lana canche l cor de Fodom volova cianté l "Pere Nost al Ciel" te na funzion a recordanza di tomés te vera

Che l vescul dla diozeja de Belun-Feltre, Giuseppe Andrich, ne fova nia n gran amich di ladins é na cossa nia demé conesciuda te Ampez y Fodom. A duc chi che vuel che les funzions vegne zelebredes almanco en pert per lingaz dla oma ti él bele dagnora vegnù fat de gran dificoltés da pert dles istituzions eclesiastiches locales. L Papa, Bendet XVI, a Persenon y a Oies, à depierpul prié y perdiché per ladin.

"I ne vue nia plu audì rejonan de etnies"

Te chest temp prelital se deligneiel tres plu clermenter i desvalifs claps politics, con si candidac relatifs plu o manco definitifs ence tles valedes ladines, con sia intenzion clera de podei mané n secont raprejentant de nosta mendranza tl consei provinzial. Per arjonje chest obietif vàl assolutamenter debujegn de chirì na colaborazion anter i movimenc desvalifs per ne stravé nia les oujes te deplù direzions, vanifican les poscibeltés de arjonje chest obietif.

La refondazion de Jent Ladina Dolomites

La storia
Desche l referendum ti trei comuns de Souramont é sté la coronazion de na aspirazion che i Ladins n’à mai arbandoné dal 1945 encà, é ence steda la refondazion de “Jent Ladina Dolomites” n vare che nasc y à sies raijes tla storia di Ladins.