L vent freit da Roma

Les declarazions dl minister Renato Brunetta desmostra tant puech che n minister dla Republica Taliana respeteia les mendranzes dal Stat. Cis ai ladins che é vegnus despartis dai fascisc' ti àn fat n gran tort y an se aspetassa da la aministrazion dal stat plu respet y sconanza. Vuel chest govern de man dreta veramenter destudé la mendranza ladina desche enlaouta les ciameijes fosces?

A chesta moda vegn l travert dla reunificaziun rie da arjonje, sce a Roma é l clima politich tant freit. Ie respeteie l gran y emportant laour dai istituc ladins de Fascia, Fodom y San Martin de Tor per sie gran contribut che ei dà per mantegnì nostes usanzes y nost lingaz. Plu colaborazion y coraje me aodassi per arjonje finalmenter valch de concret per l lingaz scrit unitar, che é la basa per n souravive realistich. Ie feje n apel a dutes les forzes democratiches europeiches, da respeté les ghiranzes de nosta mendranza, che é la plu vedla de dut l erch dles Alpes.

Mia solidarité ti và a Vos duc canc.

Marco Pizzinini - Ladins Dolomites