Daniela Templari, sen assessoura

Daniela Templari, la neoassessoura a la cultura, mendranzes y oportunités valives dla provinzia de Belun à tout pert la pruma senteda dl consei provinzial con l guant da zacan ladin da Fodom.

Daniela Templari, dant al consei provinzial a Belun amesa l president nuef Gianpaolo Bottacin (Lega Nord), Siro Bigontina (comité referendarde Cortina d'Ampez) y Paola Agostini (Col Santa Lùzia).

Ai jornalisc' che ti à fat valch domandes do la senteda ti àla dit che ela volova y volarà desmostré te sie laour politich che ela raprejenteia la mendranza ladina che per duc chis agn é vegnuda tralasceda dai politics beluneisc.

Ala se batarà per i derc dles mendranzes tla provinzia de Belun y ala jirà inant sun l troi che à metù man dant l referendum dl 2007. La volonté de reunifiché la Ladinia é sterscia y ela jirá inant sun chest troi ence sce chest é ert y sfadious: reunifiché la Ladinia ne vuel nia dì sezescion!